91

Anno 1574 iar, herr Abraham Heldt; da er regiert, da zugen vil knecht durch Straßburg, den 5 men, die dem Du- cae Alba zu gehörten und war graff Hanibal von Hochenemß ir oberst. Da nun der oberst mit seinen hauptleutten und befelchsleutten durch Straßburg zog oder ritten, uf den 5 mey, da haben im ettliche hauptleut daß gleit wellen geben bis nach Zabern, under welchen ist gewessen hauptman Bat Wilhelm, hauptman zu Straßburg, der da uff disse zeit urlaub hett, und der vogt von Ortenberg. Da sey nun stolkmuttig durch die statt kamen und nahe bei Zabern waren, da kamen ettliche welsche rütter und schůzen an sen und sey angefallen, und ein scharmüzel mit inen gehalten. Da ist der vogt von Orten- berg und Bath Wilhelm in dem scharmükel erschossen worden. Auch so ist der oberst auch geschossen worden, aber bleßlich darum entwichen in die statt Zabern und sich da lassen ein zeit lang verbinden und in der stille darum geritten, dann in die Welschen nach trachten, dan sey nur uf die oberst schossen und schlagen. Darum die andern knecht an dem morgen frey wider an dem thor zu Straßburg waren eb man es uff thatten, darum die bauren ein forcht ankam und schier in die statt thetten fleihen. Da nun vil knecht in Straßburg nit wußten wo sey ir obersten und hauptleut finden solten, da zogen ir vil wider heim. Unter den leutenampten hatt sich einer hören lassen die stätt Straßburg hett in daß zufügen daruf die herren haben umbschlagen in der statt daß älle die knecht die under graff Halibal (sic) sindt, für das thor kemen. Da sindt Meine Herren hinuß geritten für das Meziger thor und den befelchsleutten und knechten offenlich lassen ußruffen daß sey dise leuttenampt die scholches von inen reden für ein dieb, schelm und bößwich halten, so lang und vil biß ers be- wisse und darthue.

! ehe.

• Ueber diesen Ueberfall siehe gleichfalls Meyer, Chron. S. 114.